Lífið sjálft

Halló elskurnar.

Já sumar er að hausti komið þó ótrúlegt sé og skólinn fer að hefjast aftur. Sumarið hefur verið hreint yndislegt fyrir okkur fjölskylduna. Framkvæmdirnar á heimilinu gengu vonum framar, meira og minna allt gekk samkvæmt áætlun og útkoman alveg frábær. Við höfðum ákveðnar skoðanir á því hvernig við vildum breyta heimilinu og það má segja að það hafi náðst að framkvæma það allt saman og ég er þvílíkt hamingjusöm með þetta allt saman. 

Um mitt sumarið fórum við til Akureyrar þar sem Ingólfur Páll var að keppa í fótbolta. Það gekk svona upp og ofan hjá þeim, sigrar og ósigrar skiptust á en drengirnir skemmtu sér vel og liðsandinn góður og það er fyrir öllu. Eitt af því sem á eftir að fara í minningarbankann hjá honum sem ánægjuleg minning með æskufélögunum. Við fórum líka í rúmlega 2ja vikna ferð til Perú sem var alveg meiriháttar. Þar skoðuðum fornar Inka slóðir sem eru sannarlega eitt af undrum veraldarinnar, eitt af þeim fyrirbærum sem maður skilur ekki hvernig geta hafa orðið til. Náttúrufegurðin er mikil og það var upplifun í sjálfum sér að sjá Andes fjallgarðinn sem er alveg hreint magnaður, hvert sem litið var gnæfðu þessi risafjöll yfir manni og sjaldan hef ég fundið til eins mikillar smæðar. Fólkið þarna er ljúft og elskulegt og líka ótrúlega smávaxið, ég, þessi stóra kona eða þannig, var bara hávaxin þarna og var alveg að fíla það. 

Eins ótrúlegt og það nú er þá er skólinn að hefjast hjá mér nk. mánudag. Ég finn til mikillar tilhlökkunar og eftirvæntingar en jafnframt til kvíða því nú er ég auðvitað að fara að takast á við framhaldsnám sem ég veit að verður mjög krefjandi og erfitt. En ég er ákveðin í því að njóta þess að takast á við þetta og vera ánægð og þakklát fyrir að fá tækifæri til þess að halda áfram að læra það sem ég hef svo mikinn áhuga á

Jæja ætla að stoppa núna og fara að kíkja á skólabækurnar mínar. Heyrumst fljótt!

Ragna Margrét

Halló halló!

Já,já,já, ég fékk s.s jákvætt svar og er á leiðinni í framhaldsnám í sálfræði og allt stefnir í það að ég sé á leiðinni að verða sálfræðingur,he,he, ótrúlegt en satt!!! Svarið kom á fimmtudaginn síðasta og var ég voða glöð og fegin, var orðin langeygð eftir svari og örlítilð stress var farið að gera vart við sig þar sem biðin var orðin löng og ég farin að frétta af fólki sem búið var að fá svar og vissi því sem var að plássum var farið að fækka. En ég komst inn og er alsæl og finn til eftirvæntingar og eilítils kvíða, því ég geri mér grein fyrir að nú tekur við enn strembnara nám og mikið álag. Ég er jafnframt þakklát fyrir að fá tækifæri til að halda áfram að læra það sem ég hef áhuga á og fyrir að hafa komist áfram í fyrstu tilraun

Annars er búið að vera nóg að gera hérna. Þessa stundina sit ég gólfinu og blogga því húsið er svo gott sem tómt. Framkvæmdir hófust s.s í gær og það með hvelli, hingað mættu 6 manns um morguninn og ég sá bara eldhúsinnréttinguna mína hverfa, ásamt gólfefnum,veggflísum, arni og veggjum með tilheyrandi ryki. Það er heldur betur búin að vera vinna við að tæma húsið og nú búum við frekar frumstæðar aðstæður þar sem borðað er af pappadiskum og setið á gólfi við að horfa á sjónvarp o.þ.h., en þetta er þó fyrst og fremst spennandi og ég get ekki beðið eftir að sjá útkomuna og er þess fullviss að heimilið okkar eigi eftir að verða stórglæsilegt og fallegt þegar þetta verður allt yfirstaðið. 

Ætla ekki að skirfa meira núna, er hálf lúin eftir amstur vikunnar og er að hugsa um að leggjast bara í leti!!

 Ragna Margrét 

Halló halló halló!!

Skólinn er sem sagt búinn hjá mér og BA-prófið er í höfn. Ótrúlega skrýtin tilfinning að náminu sé lokið. Mér finnst eins og það hafi aðeins verið fyrir nokkrum vikum sem ég var ákvað að gefa sálfræðinni séns, satt segja hálf smeyk um að ég ætti ekki eftir að geta ráðið við þetta nám þar sem ég hafði heyrt mikið um,þ.e hve erfitt það væri og hve hátt hlutfall nemenda sem hefja nám í sálfræði ná ekki að ljúka því.  Nú þrem árum seinna sit ég hér, búin með námið og það með nokkuð góðum árangri og tilfinningin er hálf súrrealísk. Þegar ég lít til baka þá hefur þetta verið ótrúlega skemmtilegur og þroskandi tími en jafnfram gífurlega krefjandi og það hafa komið all margar stundir sem mér hefur fundist ég vera að drukkna í álagi og vinnu. Að fara í gegnum svona akademískt nám einfaldlega breytir manni sem persónu og sýn mín á lífið er önnur en hún var áður. Í dag er ég aftur á móti ánægð og sæl með að hafa lokið þessu námi og þakklát fyrir skemmtilegan tíma og fyrir að hafa kynnst fullt af skemmtilegu og ótrúlega duglegu fólki í leiðinni. Held að það eigi eftir að taka smá tíma að venjast þvi að vera ekki að lesa og vinna, maður kann varla að vera ekki að læra og satt segja upplifir maður smá tómleikatilfinningu.Það verður nú sennilega fljótt að breytast. Ég ætla mér að taka nokkra daga í slaka mér og hvíla mig eftir hressilega törn, en síðan mun ég bretta upp ermar og taka til við þær breytingar sem til stendur að gera á heimilinu. En ég bíð líka spennt eftir því að fá fréttir af því hvort að ég mun komast inní framhaldsnámið, reyni að vera bjartsýn en raunsæ, það er auðvitað mikið af fólki að sækja um og ég efast ekki um að mikið af því er duglegt og hæft fólk sem á ekki síður möguleika en ég, en þetta mun koma í ljós á næstu vikum og ég verð ekki lengi að dreifa fréttunum þegar þær berast, þ.e.a.s. ef þær verða jákvæðar.

Jæja, hef þetta stutt í dag. Ætla njóta þess að eiga vera komin í frí og þess að geta slakað á.  

Ragna Margrét 

Já gott og blessað kvöldið!

 Það er nú orðið heldur betur langt síðan að ég ritaði hér síðast og var eiginlega búin að gleyma því að ég væri með bloggsíðu í gangi, he,he...svona hefur maður mikið að gera. En sem sagt, það er farið sjá fyrir endann á skólanum og ótrúlegt en satt, þá er ég fara ljúka BA-náminu mínu Önnin hefur vægast sagt verið fljót að líða og tíminn hefur eiginlega ekki farið í neitt annað en lestur. Það er auðvitað búin að vera gífurlega mikil vinna og tími sem hefur farið í BA rannsóknina okkar. Við mættum ýmsum hindrunum á leiðinni sem tóku soldið á taugarnar og á tímabili var stressið að ná yfirhöndinni og kvíði sem ég hef ekki áður upplifað í skólanum. En styttir upp um síðir eins og sagt er og núna er skýrslan svo gott sem tilbúin og bíðum við bara eftir loka "commentum" frá kennurunum okkar og svo verður verkinu skellt i prentun og bundið inn, hjúkkkatt!! En á meðan á yfirlestri stendur þá sit ég nú ekki auðum höndum og vinn nú að ritgerð skila og fyrirlestri sem ég ætla að halda næstkomandi föstudag og örfáum tímum síðar ætla ég að stökkva uppí flugvél ásamt fjölskyldunni minni og fljúga til Kaupmannahafnar. Þar ætlum við að hitta nýjan fjölskyldumeðlim sem Hildigunnur og Hallur voru að eignast og hefur hlotið nafnið Jóhanna Freyja og get ég ekki beðið eftir að fáa sjá og knúsa hana Hönnu Freyju litlu og auðvitað hann Grím minn líka. Þar verða miklir fagnaðarfundir því ásamt því að hitta Hildigunni og fjölskylduna hennar þá ætlar Arngunnur að koma með hana Ísabellu sína frá London til að hitta okkur öll, gaman, gaman!!

Annars er allt gott að frétta af fjölskyldunni. Lífið gengur sinn vanagang. Ingólfur Páll er alltaf í skólanum sínum og íþróttunum á fullu, var m.a. að keppa í fótbolta við ÍBV síðastliðinn sunnudag. Það gekk rosa vel hjá strákunum, þeir unnu 7-2 og Ingólfur Páll skoraði 2 stórglæsileg og algjörlega óverjandi mörk, flott hjá þér Ingólfur Páll!!

 Nú svo er ég bara mjög spennt yfir því sem stendur fyrir dyrun á heimilinu, en við ætlum fara að drífa í heilmiklum framkvæmdum á heimilinu, stækka eldhúsið okkar,baðherbergi og laga þvottahús o.fl Verður skemmtileg tilbreyting frá langtíma setum og lestri að fara útí slíkar framkvæmdir.

 Jæja læt þetta duga. Get vonandi sagt góðar fréttir af því hvernig skólinn hefur gengið næst, stefni auðvitað á góðar einkunnir í prófunum tveim sem ég tek í vor og fyrir BA-rigerðina. Nú og svo er ég með krosslagða fingur, en á morgun mun ég skila inn umsókn minni fyrir framhaldsnám í sálfræðinni og get ekki annað en vonað það besta en samkeppnin er mikil og aðeins þeir bestu komast inn 

 Bless í bili og hafið það sem best,

Ragna Margrét 

Halló halló..

Var að koma heim úr prófi í Neyslusálfræði sem ég hafði frestað í desember. Verð nú að viðurkenna að það var soldið erfitt að byrja önnina á lokaprófi og lesturinn varð nú eiginlega ekki eins og best hefði verið á kosið, en þó las ég nokkuð vel og prófið er afstaðið og mér gekk bara nokkuð vel, held ég, vona allavega það besta þar til annað kemur i ljós. En allavega þá lítur út fyrir að ég mér hafi tekist að klára 18 einingar á síðustu önn með nokkuð góðum árangri og ég er nú bara nokkuð stolt af því, en fyrir þá sem ekki vita það, þá eru 15 einingar fullt nám. Ingólfur Páll er líka búinn að vera í prófum alla síðustu viku, svo að ég hef eiginlega skipst á að lesa fyrir mitt próf og fyrir hans próf og ég vona að honum hafi gengið vel í sínum prófum því hann var duglegur að læra.

Það hefur reyndar verið óvenju mikið að gera við sjónvarpsgláp undanfarið á þessu heimili sem venjulega horfir ekki mikið á sjónvarp. Fjölskyldan öll hefur ótrúlega gaman af því að horfa á handbolta og því var EM veisla fyrir okkur og reyndum við að horfa á sem flesta leiki. Því miður gerðu "strákarnir okkar" ekki góða ferð til Noregs í þetta skiptið en við horfðum nú samt. Ekki laust við að sálfræðineminn reyni að ráða í það hvað er að gerast í huga leikmanna og hvernig þeim líður þegar mótlætið er með þessu móti. Nú, ekki hefur verið minna fjör í borgarmálunum hérna höfuðborginni okkar og maður má hafa sig allan við að muna hver er borgarstjóri

Annars erum við mæðginin bara tvö í kotinu núna, þar sem pabbinn er floginn til USA, hann verður nú reyndar ekki mikið heima næstu vikurnar þar sem hann er að fara 3 ferðir á skömmum tíma og kemur bara heim rétt í mýflugmynd á milli. En við höfum það nú bara gott hérna heima og það er líka alltaf nóg að gera hjá okkur báðum svo að tíminn er fljótur að líða, þó að við söknum pabbans alltaf þegar hann er burtu.  En í kvöld ætlum við bara hafa það kósy, erum búin að ná okkur í DVD mynd og kaupa smá nammi, svo að það verður bara notalegt kvöld hjá okkur mæðginum

Hafið það sem best þar til næst...

Ragna Margrét